Latest update September 19th, 2026 10:20 AM
Latest News
- Fear of return to home countries, diplomatic hurdles lead U.S. deportees to Guyana – sources
- Guyana’s 2026 oil earnings forecast jumps from US$2.8B to US$6.5B
- Sod turned for construction of new $1.3 billion New Amsterdam Market
- Iranians rally in biggest show of defiance against U.S. since war began
- APNU says 2020 election fraud trial exposing PPP/C’s own irregularities
Dem boys seh…Brazzy tek Kit under he wings, fuh a fee
When Brazzy pick up de paper de first thing he does read is wha dem boys seh. Well he decide to get Kit fuh help he attack de Waterfalls paper. He pay Kit out of de NICIL money, de same Kit who join wid de Private Sector fuh criticize de Marriott project because it threaten some of de private sector people who in de organization.
Imagine Kit cuss de Marriott one time then try fuh support it de next time. This is de same man who cuss de Pee Pee Pee, he cuss Janet, he cuss Cheddi and he cuss and he cuss everything. He sit down wid Desmond Hoyte and Forbes and cuss.
Bharrat ketch up wid he and shake some dollar in he face. Right away de man tun round and cuss Desmond Hoyte. That is de Kit who is a professional switch. Imagine Donald even give he a new four by four fuh look good. De government pay fuh de four by four out of de NICIL money.
But dem boys seh that when you don’t stand up fuh something you gun fall fuh anything. Kit got to be careful that he don’t fall and lef he tail in de air. Dem boys gun do he wha Brazzy, de Rat and de Bees doing to de country wid all dem project.
Brazzy got to be thinking bout skyscraper because everything got a high price. Brazzy also mek everything confidential. He pass a law that now mek thiefing confidential. Don’t ask de Bees about wheh dem get this set of money. That is confidential. That is why all dem scamp love Brazzy.
He know bout dem saint. He does pray to nuff. He is de saint of de thieves in de system. Kit is a saint too. He is a saint of soup drinkers and grasshoppers.
Now when people go to court fuh thiefing when de magistrate ask dem a question, all dem got to say is that it confidential. “Who you rob?” “It confidential.” “Wheh you hide de money?” “It confidential. Ask Brazzy.”
Talk half and mek everything confidential.
Share this:
Discover more from Kaieteur News
Subscribe to get the latest posts sent to your email.