Latest update April 22nd, 2026 12:49 AM
Latest News
- Wales gas plant contractor now wants US$250M more to complete project by year-end
- Appeal Court to decide on Exxon’s role in citizen’s challenge to Govt. for oil sector information
- Chinese acrobatic troupe dazzles Guyanese
- President Trump announces Iran ceasefire extension
- CCJ hears arguments on “vitriolic” bias in Mohameds’ extradition case
Dem boys seh… Leslie complaining bout pumping
Imagine Leslie seh that if dem cut de budget dem gun mek Guyana ain’t getting dem pump that does help de coast when rain fall. Well is two year now de same Leslie arrange fuh de government buy de pump.
Dem put out de pump to tender and a company from India win de tender. Dem give de money to de company but dem didn’t get de pump. When dem boys talk dem hear that de pump is a special pump and de company got to mek every one to specification. But de same government never tell anybody bout specific pump.
What dem boys know is that pump is pump and all this talk about special pump is just to explain that de company disappear wid de money fuh keep fuh some of dem. Anyhow Leslie seh that when dem cut de budget dem cutting de pump. He ain’t telling people that he already pay.
But dem got something else. De rain ain’t been falling suh dem got to explain wha dem do wid dem pump dem get as gift from Venezuela. And dem got to talk bout de money dem spend fuh prepare fuh de rains last year when dem barely get some sprinkle to keep dem kitchen garden happy.
And dem got to talk bout dem other pump wha dem had all de time. Dem boys seh that it look like dem is use and throw away pump. And in any case, Leslie too big fuh concentrate pun pump and pumping. When was Rob Earth dem boys coulda understand. But not Leslie.
Dem boys want to know why all this worry bout budget cut. If dem can explain de money then dem alright but dem got some things that dem can’t explain. How come Donald get twice de money he get last year? Some people seh that is because he tek on more contract worker. But de truth is that he decide fuh pay Kwame and Gail and all de rest more.
Wha dem do except cuss de opposition? It look like Donald like people who does cuss round he. Well dem boys gun cut that extra money.
Talk half and watch how de knife gun wuk this week.
Share this:
Discover more from Kaieteur News
Subscribe to get the latest posts sent to your email.