Latest update September 4th, 2026 10:24 AM
Dem boys seh… Is nuff coalition
People running fuh form coalition but wha dem boys didn’t know was dem had coalition long before. Dem had coalition of businessmen, coalition of doctors and coalition of public servants. Dem even had a coalition of thieves.
Imagine dem boys find out that two contractors form a coalition fuh do some wuk in Berbice.
Dem pool resources and dem bid. But before de wuk start de coalition collapse.
Dem boys seh that de government had to give one contractor a portion and de other one, de other portion.
Well dem boys seh that dem expect de same thing to happen when dem opposition parties form coalition. Before de elections dem gun fall out and then dem got to decide who gun campaign wheh.
But unlike de case of dem contractor de parties that form de coalition ain’t got no bond to limit dem campaign to a specific location. It gun be cat eat cat and dog eat dog.
Things meet de stage when dem Waterfalls people now talking bout forming coalitions. Dem know that Chronicle and de Hard Times paper done form a coalition. De Waterfalls paper and de Big Market paper now negotiating a coalition.
Talk half. Lef half.
QUOTE: Any coalition has its troubles, as every married man knows. – Arthur H. Sulzberger
Share this:
Discover more from Kaieteur News
Subscribe to get the latest posts sent to your email.