Latest update February 2nd, 2026 12:59 AM
Dem boys seh…People silent pun death announcement
Jun 18, 2010 Dem Boys Seh, Features / Columnists, News
Dem had a big shake up in de government but if dem boys didn’t know dem woulda never know. All de government announce was a movement of some permanent secretaries; who get place here and who get move to where.
Is a good thing dem boys know people and dem find out that one name Sewchan get kick. Now he is a fellow who mek a dollar more than he wuk for and people use to run to give he things. One-man give he a house and another give he a four by four.
Dem had a regional officer who been calling de man name in all kind of scampishness. This particular officer use to keep quiet. Is when he get arrest that he mouth open. Dem boys seh that he put down a drinking when he hear that de Permanent Secretary get kick.
But everybody know that de devil got a friend and this regional man getting drunk. Is a case wheh misery like company. People always like a winner.
And dem boys seh that dem know this only too well. For example, when Sharma showing death announcement, people quick to point out who live in de States, who live in Barbados, who live in England but nobody don’t point out who live in de Camp Street jail. That is how people stay.
Dem boys hear how Sewchan was a non-yes man who use to object how several contracts were awarded.
And talking bout Ali Baba, a man tell dem boys how Ali Baba reputation tekking a beating, how he is no match for the present day Ali Babas who have less than 40 thieves but who steal much more.
Talk half. Lef half.
Discover more from Kaieteur News
Subscribe to get the latest posts sent to your email.