Latest update August 15th, 2026 12:49 AM
Latest News
- Fire destroys two Wismar homes
- Firearm, ammo found at Kuru Kururu during home cleanup
- ExxonMobil produced one billion barrels of oil in less than 7 years – Routledge
- Canadian firm announces plan to advance, integrate 3.2M ounce gold project with 4.64M Oko West project
- 15-year-old arrested after Corriverton fisherman dies following altercation
Dem boys seh …Bharrat got to change
Low carbon is de thing and it good fuh Guyanese. Dem boys seh that Guyanese had too much carbon and dem was giving off too much carbon dioxide. Dem, more than some other people, help pollute de atmosphere.
Scientists prove that Guyanese talk too much and every time dem talk is carbon dioxide. Dem boys decide to check to find out who talking de most. Dem mek a list and heading de list is Randy Persaud. He talking bout everything about Bharrat. He talk how too much people cussing Bharrat and while Bharrat fighting to control carbon he ain’t looking at Randy.
Dem boys seh that Bharrat gun have to do some good things and stop dem people from talking.
De next person is Leslie, de Minister. He talk bout AIDS, he talk bout malaria, he talk bout big foot and he talk bout blood. He talk so much and give off so much carbon dioxide that fuh nearly one year no rain coulda fall in Guyana. De temperature go up and cause a severe climate change.
Then dem had Robert. He talk bout agriculture and expenditure and flood that at one time people couldn’t breathe fuh de amount of carbon dioxide in the atmosphere. Then de temperature change so much that although Robert spend hundreds of millions of dollars de place still flood.
C.N. Sharma was another one till he get charge. Since he get charge nuff rain falling in Robb Street because de atmosphere change. He stop talk and de area enjoy carbon reduction.
Raphael and Khemraj create problems too. Dem boys seh that dem talk bout all de things that Bharrat do and produce nuff carbon dioxide that de trees flourishing near de AFC headquarters.
De people from Norway rethinking dem money. Dem seh that if Bharrat don’t do something bout all dem people who talking and creating carbon dioxide dem gun withhold de money dem promise.
Talk half. Lef half.
Share this:
Discover more from Kaieteur News
Subscribe to get the latest posts sent to your email.