Latest update September 22nd, 2026 10:30 AM
Dem boys seh….Dem pandits help West Indies beat India
Yesterday was a big shock. Dem was watching cricket on TV. West Indies was playing India and was a crucial match fuh West Indies. Dem had to win. Was crucial to India too. Dem also had to win. That didn’t shock dem boys. Was wha dem see in de stands.
All dem pandits who been in Guyana deh in Barbados and it look like if all of dem go to cricket. In de first place dem come from India suh dem had no problem entering de country. Fuh de cricket, de region decide that if people enter one country then dem didn’t need a visa to enter any of de other places wheh cricket playing.
That is how all dem pandits walk into Barbados and dem dress up too. Dem boys see dem in de stand wid all dem accoutrements.
One of dem try wha he was doing in Guyana and if dem Indian cricketer did see him, dem woulda beat he. India lose and dem boys feel is dem scampish pandit mek suh. Is wha dem do.
Some of dem boys had to laugh because before de match start dem pandits go to de Indian captain and tell he that if he pay dem then dem gun do de wuk. De captain tell dem fuh do de wuk fuss. Some of dem was trying to set up office in Barbados but that is a strange country. De police does raid in de dead of de night.
Dem boys expect to see deem pandits heading to Grenada, anywhere but India wheh dem would get jail. Pandits don’t get pay in India. Dem does wuk and people does give dem gift.
Talk half. Lef half.
Share this:
Discover more from Kaieteur News
Subscribe to get the latest posts sent to your email.