Latest update May 24th, 2026 12:45 AM
Latest News
- Independence cannot exist with Guyanese in economic bondage – Ram
- CNOOC with 12.5% stake in Stabroek Block raked in US$2.5B in 2025 while Guyana with 50% earned US$2.47B – financials
- Government launches ‘Eldorado Reimagined’ gold and jewelry brand
- Senegal to resize oil blocks to meet international standards
- President Ali threatens GuySuCo again for missing several targets
Dem boys seh… Is nuff, nuff thieving mek Guyana poor
Was a time when Guyanese use to get vex when people talk how dem poor. At one time de whole world claim how Guyana more poor than Haiti. Dem boys get vex.
Was Desmond Hoyte time and Hoyte stammer till he choke. Then Bharrat come and he fight up.
Today he talking how Guyana is not a heavily indebted poor country. But he didn’t tell de Hanarable Ashni because Ashni gone to de private sector to beg dem to help clear up poverty in Guyana.
Dem boys seh that Hanarable Ashni got to be joking because de amount of money that spend pun over-priced contracts plus wha people thiefing more than enough.
Just de other day Customs holler how somebody thief $300 million and one of dem run away. Before that, a man claim how government officers thief almost a billion dollar.
Dem boys then remember some of dem who thiefing through duty free concession. Dem not paying nutten and bringing in nuff, nuff things. That is thiefing from Ashni treasury. That is wha dem boys seh.
And then dem have the cost of all dem plane ticket to foreign lands; de hotel bills fuh dem delegation, de taxi fares and of course de food fare and other fares. Dem boys seh that if all that money share among people then poverty gun alleviate.
GuySuco paying $60 million a month to some foreign lawyer. That money can help. And dem boys seh that dem millions from dem property that dem give away gun more than help. Is billions of dollars.
Guyana really not a poor country. Is just that de money does disappear all by itself.
Talk half. Lef half.
Share this:
Discover more from Kaieteur News
Subscribe to get the latest posts sent to your email.