Latest update June 4th, 2026 12:30 AM
Is de weed wukkin or de wukman?
Kaieteur News – Dem boys seh de government ain’t ready to legalise ganja yet. Nah, not in Guyana. But dem mek one small step — yuh can now get ketch with a likkle bit and avoid de mandatory jail time at de discretion of de court. A small victory for all who like to “reason wid weed”.
But while we deh pon dat slow road to decriminalisation, we got a new phenomenon spreading faster than dengue in de rainy season: construction sites turn into cloud factories. You pass a worksite nowadays, and yuh don’t smell cement and sweat — yuh smell high grade and low productivity.
One man tell me he pass a set of masons the other day, and by the time de first block was laid, two man done gone for a “medicinal break”. Not water. Not juice. Straight to de corner behind de zinc fence to reenergize de soul. Dem boys seh is no longer a job site — is a chill zone wid tools.
And it getting serious. You can’t even argue wid dem. If you ask why de wall leaning like Tower of Pisa, dem gon tell you is “vibes”. If the concrete nah set good, is because de mixman get “spiritually distracted”.
So de big question now is: who really building de house? Is it de workers, or de weed? Because from de look of things, de weed seem to be doing most of de heavy lifting. It motivate de body, relax de mind, and confuse de blueprint — all in one spliff.
Dem boys seh if this continue, soon NIS gon have to consider marijuana as a tool of de trade. “Did you use Personal Protective Equipment?” “Yes.” “Did you use weed?” “Double yes.”
So while we still debating de laws, de workers done legalise it fuh demself. Every break is a blaze, every corner got a cloud, and every project got a deadline that high too.
Smoke break or work break? In Guyana, dem now sounding like de same ting.
Talk half. Leff half
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
