Latest update September 4th, 2026 10:24 AM
Christmas Backpay or July Jumpstart?
Kaieteur News – Public servants in a real pickle dis year. Dem boys seh de government gone and put dem in a sweet-and-sour situation – like sour cherry with sugar pon top. Imagine you get 8% increase for 2025, but now yuh gotta decide: tek it in July or wait fuh de usual backpay in December.
Dis is wha de PPPC government good at – year-end surprise, like Santa Claus in red and black. Every year, dem does delay de raise, then come December, dem buss a big retroactive and public servants smiling all de way to Courts fuh buy flat screen and blender. Everybody happy. Is de one time people does feel like dem get bonus – even though is dem own money dem getting back.
But dis year different. Is election season. De government want fuh look good early. So dem seh, “Tek de 8% now, nah wait fuh Christmas.” But dem boys seh if you tek it now, wha you gon get in December? Dry rice and pepper sauce?
Public servants got to choose: get a lil boost now and spend it out by September, or wait and collect de big sweet backpay just in time fuh Christmas barrel. Some people done plan fuh buy washing machine with dat backpay. Others plan fuh pay off de lil box hand owe since last year. Now all dem plans up in smoke.
Dem boys seh dis is real torture. Is like choosing between pepperpot in July or black cake in December. Some people seh, “Give me de money now, me done broke.” Others seh, “No, leh we keep tradition alive – backpay at Christmas sweet.” So is up to de workers now. Tek it or wait?
Dem boys seh one thing sure – if you tek it now, start saving. Because come December, Santa Jagdeo not bringing nutten.
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
2 thoughts on “Christmas Backpay or July Jumpstart?”
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
A bird is worth two in the bush.
Tek it now or lose it.
Santa Jagdeo only come once a year.
He come early dis year to sway dem voters.
And placing dem in a real jam, since they don know
if Norton will resign since his members are quitting, left, right, center.