Latest update October 15th, 2026 10:30 AM
Doctor wuk got tricks
Dem Boys Seh…
Kaieteur News- Dem boys seh, some sickness na need no medicine—just a good eye and a sharp mind! It remind them boys about de time when a young doctor move to one small village to tek over from de old doctor who was retiring. De old doctor decide fuh carry the young doctor pon rounds so de people dem could get use to de new doc.
Fuss house dem reach, one lady complain, “Doc, me belly feeling bad bad.”
De old doc watch she and seh, “Yuh been eating too much ripe banana. Cut down lil bit and see if yuh feel better.”
De young doc confuse. He ask de old doc, “But yuh ain’t even check she. How yuh know is banana?”
De old doc laugh and whisper, “Bai, yuh see when me drop me stethoscope and bend down fuh pick it up? Me notice nuff banana peel in de garbage bin.”
De young doc seh, “Clever move! Next house me gon try da same trick.”
Second house dem reach, one young lady complain, “Doc, me feeling real tired lately, like me ain’t got no energy.”
De young doc nod he head serious and seh, “Yuh been doing too much wuk in de church. Tek lil rest and yuh gon feel better.”
De old doc watch he hard and ask, “How yuh know da?”
De young doc grin and seh, “Me drop me stethoscope just like you, bend down fuh pick it up… and me see de pastor under de bed.”
Talk half. Leff half.
(Doctor wuk got tricks)
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
