Latest update September 4th, 2026 10:24 AM
Politics ain’t no talent show!
Dem Boys Seh…
Kaieteur News- Guyana is a funny place, bai. Is either we de land of endless opportunity or we de land of endless popularity contest. Anybody who feel like they got one lil fan club ready to run fuh president. From de cane cutter to de big-shot lawyer, everybody throwing hat in de ring like is one karaoke competition.
Every election is de same thing. New political parties spring up overnight like mosquito after rain. Dem does come wid fancy name and big promises. Some of dem gat such long names that by de time yuh finish saying de name, de election done and dem disappear till next five years.
And leh we talk bout de candidates now. It look as if once yuh popular, people canvassing fuh you to throw yuh hat in the ring. Is what was does call popularity contest. It look as if in Guyana popularity and politics dem is twins.
But you know wha funny? Is de same people who does push dem popular folks to run, who does lef dem hanging on Election Day. Dem does shout loud loud, “Run, bai, run!” But when election day come, dem does cast dem ballot fuh somebody other than de man dem urging to run.
Dem boys seh, election day does bring epiphany. De same people who chanting, “Vote for change!” does change dem mind when dem reach de polling station. Is like de polling station does give dem one slap of sense. Or maybe dem wasn’t serious at all. Guyanese good at mekking noise and bad at making choice.
Politics is serious business, not no popularity pageant or talent show. But in Guyana, yuh might think is de opposite. If yuh got followers, yuh ready.
Dem boys seh is really de silly season. People believe once yuh popular, yuh got political appeal. But popularity don’t build roads, it don’t fix schools, and it definitely don’t lower cost of living.
So next time yuh hear somebody announce dem candidacy, ask dem one question: “Other than yuh fan base, wha else you bringing to de table?” And if de answer is just a popular name, dem boys seh, tek yuh vote and run. Guyana deserve better than de politics of popularity. We need sense, not vibes.
Talk half. Leff half
(Politics ain’t no talent show!)
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
