Latest update November 20th, 2026 10:25 AM
Dec 02, 2024 Dem Boys Seh, Features / Columnists
Kaieteur News- Long ago, when people use to write Letters to de Editor, dem letters use to short and sweet, like lil sugar cake. Three paragraphs was de longest anybody dare go. Is like de Editors had one invisible whip in dem hand—if yuh letter long, is cut and chop, chop and cut. And when yuh pick up de paper, yuh use to feel proud fuh see yuh name, even if is only three lines dem lef’ in.
But dem boys notice one thing: times change. De letters now long like dem school assignments when teacher use to give yuh, “Write 1,000 words pon why yuh didn’t do yuh homework.” Some ah dem letters suh long, dem look like somebody printing out de Constitution. Yuh does open de paper and see one letter tekking up two pages. By de time yuh finish read one, yuh forget what yuh was reading in de first place.
Dem boys seh is like people competing to see who could write de longest letter. Yuh got some ah dem letter writers sounding like politicians giving speeches—plenty long talk, but when yuh check, dem ain’t seh nothing new. Some ah dem repeating de same thing five different ways, just like a man who walking round in circles and calling it exercise.
And what really funny is some ah dem letters longer than de Op-Ed column! Imagine dat! Dem boys seh if yuh letter long like that, apply fuh be a columnist, nah. Every day yuh flooding de paper with thesis-length letters like yuh doing research fuh university. Who got de time fuh read all a dat?
De Letters editors need fuh start using scissors again, or better yet, one machete. Chop, chop, and chop! Most ah dem letters could fit into two paragraphs if yuh trim de fat. Cut out all dem big words and long sentences, and leave de thing sweet and to de point. People want fuh read quick and move on, not tek one hour fuh finish one letter.
Dem boys seh back in de day, even big magazine like Newsweek and Time use to edit letters down to four, five lines. Nobody complain, because dem still get fuh mek dem point. Is time fuh de private newspapers in Guyana remember dem roots and bring back de short and sweet letters.
And if yuh really feel de need fuh write long, send it straight to de Editor. Dem boys hear he looking fuh new columnists anyway!
Talk half. Leff half
(Letters long like de Berbice Bridge)
Subscribe to get the latest posts sent to your email.
Nov 20, 2026
(Kaieteur News) – The Guyana Defence Force (GDF) Women’s Football Club met a fierce challenge from Ann’s Grove United FC on Wednesday night when the Guyana Football Federation’s (GFF)...Nov 20, 2026
(Kaieteur News) – Horse racing in Guyana has always been an exciting and popular sport. The horses run, the jockeys ride, the punters gamble and the owners hope. But there is one thing that seems to be moving at a considerably slower pace than everything else: regulation. Guyana finally got...Nov 01, 2026
By Sir Ronald Sanders (Kaieteur News) – When Commonwealth leaders gather in Antigua and Barbuda from 1st to 4th November, they should address a question that reaches beyond their association: how can countries of different size, wealth and outlook sustain cooperation in a world increasingly...Nov 20, 2026
(Kaieteur News) – I always thought that Senior Supt. Prem Narine was specially gifted. If nothing else, he has special friends. Just a few short years ago, Mr. Narine was a Guyana Police unknown. A regular copper. Did he soar into the stratosphere! Jumping from junior past Inspector,...Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: glennlall2000@gmail.com / kaieteurnews@yahoo.com