Latest update September 6th, 2026 7:34 PM
Soulja Bai playing wid teachers’ money
Soulja Bai got a serious problem when school open. He might find dat he ain’t got no teacher in de school. He set up a committee to look at de pay de teachers getting and de committee agree to pay de teachers more.
De increase was big suh de decision was to pay de increase in installments. But when de time to pay de first installment de Finance Minister seh dat de money too much fuh de treasury. De teachers get vex and dem seh dem ain’t going to school every day.
Dem boys remind Soulja Bai bout de Armstrong report which pay public servants nuff money. Jagdeo seh dis gon create a problem but he pay. Then he push up inflation. After three years, de public servants was back right wheh dem started.
But if de money too much fuh teachers, people want to know how come de very government keep paying billions of dollars to sugar workers. Now dat de money cut from de sugar workers, dem can pay de teachers.
People know how important de teachers can be. Already dem got nuff people pon de road who ain’t learn nutten in school.
Dem is de young gunmen. Dem boys worried dat if Soulja Bai don’t pay de teachers, Guyana gon get more young gunmen.
Jagdeo already blaming Soulja Bai fuh de crime situation. When is election time, he gon tell de people how Soulja Bai bring crime and people gon believe him. Dem was de same people who live through de crime wave when Jagdeo was president.
Dat was a time when government people use to sleep in hotel and lef dem house while de ordinary people had to stay home and face de music. But people got short memory.
Soulja Bai should pay de teachers before school open. And de teachers better hope so because if Jagdeo people get back in power, dem gon seh dem never promise any money so dem wouldn’t pay. De teachers gon strike and Jagdeo people gon pay and tek credit fuh mekking teachers better.
Soulja Bai giving laptops but if he don’t pay, de people gon send strike message over dem same laptop.
Talk half and don’t play wid people money.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
