Coalition actions beginning to resemble PPP

Jul 10, 2018 Dem Boys Seh, Features / Columnists, News

Dem got an old saying…De more things change de more dem remain de same. Guyana beginning to resemble de PPP tenure.
Everything de PPP did is de same thing dis govt doing. Tek de drug issue. All de drug contracts use to go to one person—Jagdeo best friend, without any proppa tender process.
De storage also use to go to dis same best friend.
Dis govt promise that all dem scampishness would be a thing of de past. Instead, is de same scenario playing out all over again; just de names change.
Few days ago, de story buss out how de coalition give one of dem party supporters and full time acolyte almost $400 million in drug contract without any tender process.
Dem also paying to another friend more rent than de cost of de building, just to store drugs.
Dem boys always use to seh de PPP created a culture in dis land and it will tek generations to change.
Under de PPP, all de REOs and heads of Govt agencies use to run de treasury as if is dem personal bank account.
When dem give out contract, de wuk ain’t even done and dem done pay two times de original cost of de contract.
Remember Fip? He had a li’l pooja shop in Florida, never build a piece of pavement or outside latrine and yet he get a US$15 million road contract.
He disappear wid de money and de road never get complete. Last week dem boys hear de cost of de road move from US$15 million to US$50 million.
Year after year when parliament call dem regional officers to explain how dem spend de money is de same excuse over and over.
De coalition did promise to deal wid dem one by one. Is de same thing continuing to happen under dem nose and dem seem not to care about it.
Only yesterday one REO went to parliament and tell dem he ain’t come prepare to answer questions on how de money spend.
Dem boys want know why he go deh in de fuss place. And why he is not in jail.
Another one confess that she use to split contract fuh avoid de tender board process and Guyana loss millions. Nutten happen. She is in de US instead of jail.
Soulja Bai, dem boys want fuh know wheh you really carrying Guyana? Down de same PPP road?
Talk half and you got to do better than that Ol’ Bai. You don’t have to tek fire stick fuh see de continuing skullduggery when a blind mofo can see it.

Discover more from Kaieteur News

Subscribe to get the latest posts sent to your email.

Latest News