Latest update April 6th, 2026 12:35 AM
Latest News
- Gov’t rejected three cheaper Chinese bids to finance, construct gas plant
- Corentyne mom kills 7-year-old daughter, injures infant son
- Trump threatens ‘hell’ for Iran over Hormuz Strait as deadline approaches
- US$214M still with Exxon – AFC warns of quiet deal as audit dispute drags on
- Govt. launches border patrol unit in Region Nine
Pauline and Kumar mek Guyanese more shame
When shame was sharing Guyanese tek all. Dem ain’t got nobody who got more shame than Guyanese. Dem does stand up and hear people talking bad bout Guyana and dem does be too shame fuh seh anything.
Thursday, dem coulda dead wid shame. Every five years dem party does pick people to represent dem in parliament. Dem boys never know dat dem party got so much stupid people. De security guard who does wuk at de Waterfalls paper more smart than dem parliamentarians.
Exxon go to de Parliament to answer question but up to now de parliament ain’t ask one sensible question. And dem is de people taxpayers’ got to pay to sit down in parliament. De last time, dem had to ask any company some question, de stupidness dem ask mek de whole country shame.
Jagdeo promise to tek dem in hand and train dem to ask proper question. He was de same man who seh he gon fix de Skeldon sugar factory. Dem boys she, he train he MPs just like how he fix de Skeldon sugar factory.
De Waterfalls boss man seh de PPP, Hap New, and Hay Heff See should be ashamed to have dem people in parliament. Jagdeo refuse to go to de meeting wid Exxon because he and all mighta ask some stupid question. How people can ask Exxon why dem ain’t employ sugar workers? How dem can ask Exxon why it ain’t got legislation before Parliament?
Nobody ain’t ask Exxon why de people in Australia hauling it before de courts fuh get de tax money it owe de country. Dem ain’t ask de oil company why it does fuel corruption in dem African country. Dem ain’t even ask bout de US$18 million signing bonus.
Dat same US$18 million dat dem give Guyana gon cost Guyana $18 billion because of de robbing dem gon get. Guyana spending US$18 million to fight Venezuela but dem gon spend $18 billion to collect taxes from Exxon. But de stupid parliamentarians didn’t know nutten bout dat because Jagdeo didn’t train dem to question people who does thief.
Talk half and help tek way de shame people feeling right now.
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
