Latest update September 14th, 2026 10:20 AM
Latest News
- Guyana “calls the shots” in US deportee deal – President Ali
- 72 lbs of cocaine found along Five Miles–Ituni Trail
- 10-year-old killed after being struck by 14-year-old motorcyclist
- Three held as police seize 4.5kg ganja, 1.1kg cocaine in Bartica
- 14-year-old pillion rider dies after motorcycle crashes into horse
Exxon go to parliament fuh stupidness
Is all well and good when people sit down and watch how odda people handling situation. That is when you does hear ‘if was me’. Reporters does get more cuss than dem got words. When dem ask a question all dem Tom, Dick and Harrilall does know wha dem should ask.
Yesterday de Parliament invite Exxon fuh questioning. This was suppose to be like a court. De MPs would ask certain question and Exxon would answer. Is then de stupidness start. One MP ask Exxon why it ain’t pass no law fuh Guyanese. Since when foreign company does mek law fuh Guyana? Is nah parliament got to do it?
Sook Eye who got more teeth than de big bad wolf and who fix she teeth wid taxpayers money ask Exxon why de company ain’t got work fuh de sugar workers. Now since when Exxon is Guysuco and suppose to employ sugar workers? Since when dem got cane in de oil field? Is that kind of stupidness de people had to suffer.
But is de Kumar who ask a question that mek everybody shame. He want to know why Exxon in put legislation in place fuh certain things. Now he is de MP and he suppose to help vote on de law but he want Exxon to mek de law.
De man from Exxon muttering and wondering wha kind of stupid people dem have in parliament. Dem call him to talk bout local content. That is buying and using whatever Guyana got once it cheap like anywhere else. Nobody didn’t ask bout that. Is like if dem never see somebody from Exxon.
De reporters who was at de parliament couldn’t believe that dem is de same people who does pretend to know everything. But is today dem boys know why when de reporters call some of dem parliamentarians fuh interview dem can’t get nobody. Is just that dem hiding to avoid people seeing how stupid dem is.
De last time this thing happen Jagdeo claim how ee parliamentarians don’t know nutten bout oil and how he gun brief dem. Well if he did teach dem boys can imagine de stupidness he teach dem.
Talk half and watch how Exxon laughing Guyanese right now.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
