De CCJ mek Jagdeo buss cry

Jun 27, 2018 Dem Boys Seh, Features / Columnists

De CCJ knock de wind out of Jagdeo. It mek he buss cry yesterday. He couldn’t breathe fuh couple hours. This was de same man who tell de world that he wasn’t interested in being president again. Then he tell somebody another time that being president was boring, how he didn’t have time to cut ribbons and shake people hand.
But he really want power. In fact, dem boys seh he want it so bad that he try he best… everything he know. He use to slam he head to de wall every day because he decide that he gun sign de constitution reform wha call fuh de term limit.
But is de things some people does do. Changee and de Carl sell dem soul. Is yesterday dem boys realize that Jagdeo mek dem amend de constitution pun dem own. De only thing is that de CCJ tun back de amendment. De judges who throw out de third term seh how dem two mek a strange decision fuh personal gain.
But before yesterday, Jagdeo was sure he gun win de third term. He pick row wid some of dem older people in de PPP then he tek control of Freedom House. Nobody couldn’t talk anything bout Jagdeo. People in de party use to vex but dem couldn’t even grumble and leh Jagdeo hear. Ramjattan talk bout Jagdeo and dem throw him out de party. Moses later get vex wid Jagdeo and he and all get throw out.
Sunday Jagdeo prepare a statement and he send it round fuh some people read. Donald tell him right away he deh pun stupidness. He get vex. Dem boys seh he get more vex when Donald seh that de CCJ decision was good fuh Guyana.
Henry Jeffrey seh de CCJ decision was bad—it was bad fuh Jagdeo. Don’t talk. Jagdeo vex wid him too. But dem boys seh Jagdeo can serve a third term. All he got to do is change he name. Bharrat Jagdeo can’t serve a third term but if he change he name, he can serve.
Talk half and watch Jagdeo come up wid a plan to become president—again.

Discover more from Kaieteur News

Subscribe to get the latest posts sent to your email.

Latest News