Politicians should grow some bawls

Mar 21, 2018 Dem Boys Seh, Features / Columnists

No matter how nice you nice, dem gat people does look to embarrass you. When dem done, dem does tun round and laugh at yuh.
A man walk in a crowded library and he see a gyal alone sitting at a table. Because de table had space he went and whisper to her.
“Excuse Miss, Do you mind if I share your table?”
De gyal raise she head and very loudly, seh.” NO. I DON’T WANT TO SPEND DE NIGHT WID YOU.’
De whole library tun round and watch de man who was deeply embarrassed. He wish de floor coulda open and he fall through.
Without answering her, he quietly walk to another table and sit down. After couple minutes de gyal walk quietly to his table and silently said, wid a smile to him, “I study psychology and I know wha a man is thinking. I bet you felt embarrassed, right?
Right away de guy responded in a loud voice, “$10,000 FUH 10 MINUTES? I ain’t paying you that much!”
All de people in de library looked at de gyal in shock. De guy tun and whisper back to she. “I study law and I am learning how to screw people.”
ExxonMobil and Tullow just like that man, de only difference is de man learning how to screw people. But dem oil company are experts. Dem deh long in de business. Dem been screwing de world fuh years and de Guyana politicians couldn’t find that out.
Now dem got de oil companies screwing dem, and every man, woman and child in this country.
Wha dem boys want to tell dem politicians always remember if what you did yesterday still looks big to you, then you haven’t done much today.
Remember dem oil contracts wha y’all sign, dem ain’t big enough fuh hold we. Dem boys seh all it calls for is some bawls.
Talk half and hope dem men who authorize, support, ignore and who sign de contracts, grow some bawls.

Discover more from Kaieteur News

Subscribe to get the latest posts sent to your email.

Latest News