Brassington and Ashni getting belly wuk

Jul 05, 2017 Dem Boys Seh, Features / Columnists, News

Only de other day dem boys was talking bout who gun be coming home in bangles. People smile because dem think dem boys was joking. Yesterday, dem boys hear that a man who pay people to kill another man who refuse to play stallion, get arrested in de States.
Normally when Guyana ask Uncle Sam fuh people, de answer was always “No.” This time Uncle Sam smiling and saying “Ok.”
When Soulja Bai signal that he want to question Brassington, de man do wha everybody does do; run to de States. Now he shivering. He know that if he go to Canada is de same thing suh dem boys seh he planning to smuggle heself out de country and go to Cuba.
De man, Bisram, was walking about because he was sure that Uncle Sam wouldn’t worry wid Guyana. He think Jagdeo and Sityra Gyal still in power. Brassington know that but is only now he seeing de consequences.
De other one who deh in de States also wondering when he gun get pick up. Like Brassington, he got some size but fuh sure he gun lose that weight.
Of course, when SOCU meet Brassington in Florida de other day dem boys seh de man put on weight. When he coming home he gun be wearing a bag because dem don’t have prison clothes to fit him. Ashni gun be coming wid a bangle.
Everybody woulda been happy if only de taxpayers money didn’t full dem eye. Dem wasn’t satisfy to sport wid it, dem wanted to keep some ion a big fat bank account. Dem want show off. But as old people seh, “Wha sweet in goat mouth does sour in ee behind.”
When this thing start people seh dem gun see nuff of de old school going to jail. Then de thing start to drag out. De Chat-3 talk fat and talk bout witch-hunting. Now he silent because he smelling smoke by he rear end. De fire ain’t deh too far.
Talk half and watch how Uncle Sam now cooperating wid Guyana.

Discover more from Kaieteur News

Subscribe to get the latest posts sent to your email.

Latest News