Jagdeo, Jordan and Basil get slap

Apr 01, 2017 Dem Boys Seh, Features / Columnists, News

pPeople mekking a big fuss about drug shortage in dem hospital. What dem ain’t realize is that from de doctors to de watchman thiefing. At de GPHC a nurse open a box wid some liquid drugs. Then she put de rest in de fridge. When she go back to get another one de box empty.
Dem boys find out that de Minister send a supply of drugs to Suddie. De next day she send a team to de hospital. De team meet Suddie and de drugs ain’t meet yet. All over de place people thiefing medicine and dem boys now know that dem pharmacy don’t buy no drugs.
De situation reach de stage when de porter ain’t got nutten to thief suh he charging people to see de doctor before dem who come early. A man had a bandage to change and a cast to set. De porter charge de man $400,000 to see de doctor on an earlier date. When de man tell him that he don’t have that kind of money, but that he can mek $100,000, de porter tell him to get wid de times because is four doctors he got to pay.
That is how far de corruption gone. And everybody know that corruption was rampant in Guyana. Dem boys had to wuk out a plan to get close to Jagdeo, Jordan and Basil de Willie because dem have more security than de Queen. Dem mek garland and all these people like garland around dem neck.
Everybody see a man going up to Jagdeo wid de garland. De security step aside and Jagdeo bend he head. De man put de garland round he neck then dig one slap on him. When Jordan get he own he spin. De woman slap him because he pushing VAT all over de place. De lady seh wha he should push he not pushing.
Basil de Willie pee on de spot from de shock of de slap wha he get fuh being arrogant.
Poor Donald, he get he slap because he stupid. That is wha dem boys seh.
Soulja Bai now telling he security that nobody must put garland round he neck.
Talk half and watch de corruption.

Discover more from Kaieteur News

Subscribe to get the latest posts sent to your email.

Latest News