A lady describe Jagdeo to a T

Mar 26, 2017 Dem Boys Seh, Features / Columnists, News

Some people sit down and begin talking bout de foreign currency situation. One of dem seh is because Soulja Bai win de elections that Jagdeo trying to create all kind of obstacle. Another man seh people like blame Jagdeo for everything; that dem don’t understand de man.
From de time de man seh suh a lady come up and tell de people who was talking that dem don’t know Jagdeo. “That man is a cup of pain, a bucket of lies, a bottle of heart attack and a kettle of stress.”
Right away a man jump up and ask de lady how she know Jagdeo so good because she really describe de man. De lady tun and tell dem that she ain’t even done wid de description. “That man is a pot of tension, a jug of confusion, a litter of difficulties, a basin of headache, a glass of disappointments, a flask of discomfort, and a tray of depression.”
And de accent de lady was using tell that she come from good upbringing. When she talk she was hardly opening she mouth. Is when de lady seh that Jagdeo heself is endless sleepless nights that dem boys know who de lady was.
Dem read about de lady very often and she was one of dem who refuse to tell de whole country that she was a victim of use and abuse.
Soulja Bai wasn’t around when de lady was talking but when he hear de story, he ask one of dem boys if he can bring de lady to him because he want her to describe Basil de Willie. Of course when de lady start wid she description nuff people believe that de lady was describing Basil de Willie.
Of course, some things people do not say about others but then again dem have people who can’t see things and shut dem mouth. That is how Basil de Willie get into trouble de other day.
Talk half and guess who de lady wid de descriptions is.

Discover more from Kaieteur News

Subscribe to get the latest posts sent to your email.

Latest News