Shake de Bax should end up in jail

Jun 08, 2016 Dem Boys Seh, Features / Columnists, News

Yesterday dem boys tell de world how Rohee stupid. Wha dem didn’t tell de world was how stupid he stupid.
Jagdeo de scamp like to eat out and he love New Thriving food. New Thriving use to cook every day for him. He eat deh till he get fed up. Then he hear dem boys talk bout another restaurant name Kamboat.
Dem boys hear he order five Kamboat special and he send Rohee to pick up de Kamboat special. Rohee walk to New Thriving and tell de cashier he come fuh pick up de five Kamboat special wha Jagdeo order.
Then you got this other one. He name Shake de Bax. He was a Minister like Rohee. He had nuff scheme because he think he smart. Jagdeo move him from de Ministry and put him to head de water plant because he hear de man is a better hustler than him.
What Jagdeo didn’t know was that anywhere he put Shake, de man shake up. De man provide receipt fuh travelling to place ee never been. In de mix up de man even produce rent receipt fuh cover travelling expense.
When a man can do that, he smarter than Jagdeo because he can’t be stupid like Rohee. Dem boys will never forget him when he tell de nation he spend $45M to renovate a few schools.
De Waterfalls boss man ask a reporter, Kneel de Marks, to track that story down. Kneel ask Shake a simple question. “Let us know de schools and what renovations was done fuh $45M.”
He promise Kneel to provide all de information in two days. Kneel call him a few times within a month. De words Kneel hear from that Minister mek Kneel tun a full-fledged Christian. “Is wha de mudda@#*&t yuh boss want to know?”
Kneel seh is not de words mek he tun a Christian; is how de man pronounce those last words to him.
Dem boys hope jail man don’t have to pray for he tail in Lot 12.
Talk half and let him know Kneel praying fuh him to go to jail too.

Discover more from Kaieteur News

Subscribe to get the latest posts sent to your email.

Latest News