Latest update July 31st, 2026 12:35 AM
Latest News
- Bloomberg reports: Oil curse hanging over Guyana’s head
- ‘You can’t have both’ …Todd challenges parallel COI, murder prosecution of MV Barima crew
- Pres. Ali dodges media
- ‘Seaworthiness of MV Barima was MARAD’s responsibility, not charged crew’s’ – Dr. Todd
- ExxonMobil to conclude another exploration well next month
Anil drunk and buss dem bag
When people desperate dem does pick pun anybody and everybody. Sometimes dem does pick up wha cow put down fuh get at people.
Uncle Adam doing de people’s business, something he been doing fuh nearly fifty years. He ain’t trouble nobody and he ain’t frighten nobody. He love to dig kicks though. Imagine de man wha picking up Cow Shit pun people calling dem banks fuh see how much money Uncle Adam got inside.
When Uncle Adam, get de news he think was joke. But last night he get another piece of news from one of Anil friend.
Dem boys seh that he been drinking, as usual, and everybody know that when he drink he tongue and he tail does get loose. He tell de friend that de man who looking fuh Cow Shit pun people got plans fuh de Waterfalls Paper.
Anil tell he friend that de man seh that when he done wid Uncle Adam and Uncle Glenn and de Waterfalls paper he not only gun tek off dem clothes; he gun skin dem alive and hang dem to dry.
Well dem boys seh that dem ain’t waiting fuh he come tek off dem clothes and skin de alive, dem tekking off dem clothes demself and he can come and tek whatever part he want.
Dem boys also want fuh tell dem there is nutten dem can do to intimidate or silence dem boys. Dem suh corrupt that dem believe that de best way out is to stop dem boys from talking.
Old people seh when you mouth wipe wid plate cloth (saapee) you don’t stop talking. And dem boys ain’t shame fuh tell de nation that dem mammy wipe Adam and Glenn mouth wid saapee since dem a li’l pickney. Dem can’t stop talk.
Why de man who picking up Cow Shit coming after Uncle Glenn and Uncle Adam? It can’t be fuh money fuh pay he doctor bill, because over de years dem thief billions.
However, Uncle Adam and Uncle Glenn seh that he ain’t got to come after dem fuh money. Dem want to remind he bout Marks who was more powerful. Today he lock up in a house, and hollering out to people fuh $20.
Dem boys praying fuh Marks. Dem intend to wait till all of dem who deh behind this new plot tun like Marks before dem start fuh pray fuh this set.
Talk half and wait fuh dem run mad one by one.
Share this:
Discover more from Kaieteur News
Subscribe to get the latest posts sent to your email.