Latest update July 27th, 2026 12:25 AM
Latest News
- Pres. Ali names 5-member COI to investigate MV Barima disaster
- Pressure mounts on Edghill as Indigenous leaders demand his resignation over ferry tragedy
- Guyana among hardest-hit in the Americas for brain disorders
- Canadian firm eyes acquisition of company controlling Quartzstone Gold Project
- U.S. and Iran hit pause on strikes for second day
Dem boys seh… Brazzy moving like some Ol Higue
Brazzy qualify fuh frequent flyer and Caribbean Airlines seh that de next time he fly he entitled to two free tickets. Jagdeo use to get plenty free tickets too. In fact, that is how he and Bobby use to travel so much.
These past three years Brazzy been travelling to China, Europe, Trinidad and de United States because he chasing money to finish all of Jagdeo projects. Dem boys seh that at de start de projects look good on paper. Is when de money come and it full nuff people eye that de trouble start. Some of de money went into people pocket from de start.
De Amaila Falls project was a cash cow. It start at US$500M and before de road done de project de cost nearly US$1 billion. De opposition see wha was going on and dem shut down de project. To this day dem boys seh people vex because some was still waiting fuh dem share while some get more than dem share.
Then dem got de hotel project. This is de one that got Brazzy qualifying fuh frequent flyer miles. He travelling all over de place looking fuh money fuh finish de hotel. He tek de people money and start fuh build de hotel. By then all dem who hustle wid money from de treasury and who do other things fuh get money decide to put in dem money too.
But old people always seh, look before you leap. Some of dem suddenly realize that dem same money people might got to mek dem own customer fuh stay in de hotel. And is a pity that dem boys had to warn dem. De contractor is a kantractah. De company in trouble in Trinidad. It put up a building that cracking and uneven.
That is why de Hong Kong people back out from putting in dem money. Fuh pacify dem Jagdeo mek Donald open de country to all dem people from Hong Kong. Dem don’t have to get visa to come here. But de people ain’t putting in no money suh Brazzy flying bout de place.
Talk half and watch how one man tun Ol Higue and flying all about.
Share this:
Discover more from Kaieteur News
Subscribe to get the latest posts sent to your email.