Latest update August 20th, 2026 12:07 AM
Dem boys seh….Things bad wid de Princess
Today is Father’s Day and dem boys see something strange. Early this morning dem see nuff men gathering by de Palms and dem talking how dem worried that dem gun end up inside deh.
Dem refuse to mind dem children and now de children getting big dem vex and dem sending message to dem same fathers how dem gun get de same treatment.
De Princess also celebrating Father’s Day. Fuh some time dem been allowing any and everybody fuh go in de casino and gamble. Dem claim how dem got to broaden de operation if dem was to mek any money.
Tom, Dick, Harrylall, Joseph and Mary does guh in de casino. Is dem who mek de fuss when dem gyal lef de place.
Is dem mek Princess bringing dem anti-man fuh dance. Is now Kwame gun try fuh visit. But de president got to give he a special order because even he visa get tek away.
And dem boys seh that Princess is de fuss hotel that does always run out of likker. Like dem does go to Stadium View and borrow two bottle rum, one bottle vodka and two tin tin wid chaser.
Dem boys expect de hotel fuh tun a Brazilian church just now.
Talk half. Lef half.
Share this:
Discover more from Kaieteur News
Subscribe to get the latest posts sent to your email.