Latest update June 14th, 2026 12:45 AM
Latest News
Dem boys seh…Guyana always had human traffickers
Guyana got to go back to pass more legislation in parliament. De government got to ban prostitution because it giving de whole country a bad name. De United States done decide that all dem prostitute doing de job because people force dem to do it.
But dem boys want to know since when dem night ladies had to get motivated to do what dem doing. Some of dem does wuk in office by day and hunting pun de road by night. Dem claim that dem does mek more money in one night that dem does mek whole month in de office. But that is now human trafficking and de people right. Dem boys seh that if you selling cocaine you is a cocaine trafficker. Therefore if you selling you body you is a human trafficker.
Is de number of these human traffickers mek Guyana get a bad name and mek Priya get suh vex that if wasn’t fuh de TV cameras she woulda cuss. Guyana got to pass laws to stop this human trafficking although de men who like drive around gun vex.
Nuff of dem does lef dem wife at home because dem want action suh dem does seek out the human traffickers. That is why Guyana gun get a worse rating next year.
Talk half. Lef half.
Share this:
Discover more from Kaieteur News
Subscribe to get the latest posts sent to your email.