Latest update April 30th, 2026 12:30 AM
Latest News
- World Bank urges Guyana to guard against volatile revenues and spending surges
- U.S. Ambassador says American companies need peace of mind in Guyana
- Trump vows to maintain Iran blockade, Tehran threatens ‘practical’ action
- Man gets $8M for spending 80 days in jail wrongfully
- ‘Sue cops who demand bribes’ – AG Nandlall urges
Dem boys seh…All man Jack gone to Berbice
Is once in a while that dem Minister does really get a hard time and yesterday was one of dem days. Bharrat tell dem that dem going to Berbice fuh meet wid de people. Some of dem try fuh mek excuse but dem boys know Bharrat.
Couple of dem tek a chance fuh visit some cane cutters and dem tek a drink; some visit some people and eat sardine and bread; some eat duck curry because people did know in advance that de team coming.
Bharrat was to meet some people in Corriverton. Was a big event. Dem school send dem children pun de road in de hot sun to greet de president. De next thing dem boys hear is that Bharrat asking, “Why these children not in school?”
De man don’t like a show and as far as he concern de visit was not fuh show. Manny get saddle wid something that he didn’t even know about but he couldn’t tell Bharrat nutten.
Was de Cabinet meeting that had dem busy. Bharrat wait till dem walk about then he tell dem that dem got to meet in de dead of de night. Nuff of dem did dead by then. Liquor and sun ain’t a good combination.
Dem boys willing to bet that when dem come back to town nuff of dem wouldn’t be wukking de next day. All dem reporters who feel that dem can call Ministers fuh a tip, gun get de Minister secretary.
Dem have one Minister who, if Khemraj get he own way, gun end up before some judge or magistrate fuh spending money without authority. Dem boys want fuh know if Khemraj sick. Nobody don’t have to get authority to spend money. Which Minister does have to get authority to spend? De thing is that if dem can avoid spending that is wha dem does do.
Dem boys seh that Ministers got to be rich. Dem don’t spend and dem does always collect.
Talk half. Lef half.
Share this:
Discover more from Kaieteur News
Subscribe to get the latest posts sent to your email.