Latest update October 15th, 2026 10:30 AM
Make hay while the sun shining!
Kaieteur News – Dem boys seh is nuff people does wear “busy” like is a medal. Yuh ever notice how some of dem does brag? “Man, I been up till 3 o’clock this morning doing this presentation.” Like is something to be proud of. Dem boys seh that ain’t achievement—that is punishment fuh bad planning.
Old people got a saying: wah rain can’t full, dew can’t. In other words, if yuh ain’t consistent from early, last-minute scramble can’t save yuh. But Guyanese love scramble. We does wait till deadline deh knocking pon de door before we start typing like mad people. Next thing, eye red, brain slow, and yuh presentation sounding like half-cooked metemgee.
Good planning does save yuh from them midnight marathons. If yuh spend a lil’ time steady every day, then when deadline reach, yuh cool, calm, and collected. Dem boys seh real hard work ain’t about losing sleep and looking like a jumbie in de office next morning. Real hard work is steady, consistent effort—like putting one brick at a time till de house done build. Not waiting till de roof leaking before yuh decide fuh buy zinc.
But no! Guyanese like drama. Dem like de rush. Dem like to tell story: “Boss, I knock out that report in two hours flat last night.” Dem boys seh what yuh really do is knock out yuh own sleep, and half yuh brain cells with it.
Planning is like seasoning meat. Yuh season it steady, let it soak, and it taste sweet. Yuh rush it last minute, and everybody chewing tough meat, cussing under dem breath. Same thing with work—steady and early does give the best result.
So, dem boys seh, stop worshipping de last-minute hustle. Do yuh wuk bit by bit, day by day. Yuh body gon thank yuh, yuh brain gon thank yuh, and best of all—yuh bed gon get to keep yuh at night. And remember wah de ole people say; Too many cooks can spoil the broth!
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
