Latest update October 12th, 2026 8:11 PM
Latest News
- Linden man shoots teen girlfriend dead, then kills himself
- After US$2.4B in gold asset deals, G3 Goldfields eyes more Guyana claims
- Karimbaksh challenges compulsory pre-retirement leave, threatens legal action
- Masked gunmen rob Berbice businessman of $10 million
- U.S. forces disable ship ‘attempting to run’ Iran blockade in Gulf of Oman
Monkey does know which limb fuh jump pon!
Dem boys Seh…
Kaieteur News- Dem boys always hear de old people seh, “Monkey does know which limb fuh jump pon.” But dem never know how true it is ‘til now! De PPPC boys dem got a PhD in monkey business, because dem know exactly which limb fuh jump pon and which one fuh stay quiet like church mouse.
When AZMO land in dem PPPC strongholds, de place tun war zone. Dem let loose de dogs of disruption, hollering, ridiculing, insulting, and making bare commotion. If dem had de chance, dem mighta even pelt one or two plantain at he. De scene look like one of dem protest rally—loud, dramatic, and full of bacchanal. All because de man come fuh talk to people!
But check wah happen when he step into Opposition territory. When AZMO reach in Edinburgh and Kwakwani, de same PPPC stay quiet like if dem throat stitch up. No big bad protests. No wild noise. Dem boys seh de PPPC got one special map—one side mark “Raise Hell Here,” and de other side mark “Stay Far and Act Innocent.”
And if yuh think is just a coincidence, check out Manchester. Dem had lil mumbling and grumbling, but de big bad protest energy suddenly disappear. Wah happen to all de loudmouth warriors from before? Monkey does know which limb fuh jump pon, and de PPPC boys know where fuh get vex and where fuh play deaf and dumb.
Dem boys seh if AZMO really want peace, all he gotta do is visit de right places. De PPPC only like fight where dem think dem in charge. But when dem step in opposition ground, dem does suddenly remember how fuh behave.
One thing certain—de PPPC got more strategies than a chess grandmaster. But Guyanese watching, and dem know de game. Monkey business can’t fool everybody all de time!
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
