Latest update November 14th, 2026 10:30 AM
Latest News
- Guyana 5th oil project to start up next week
- Guyana’s ‘failed’ immigration policies exposed country to Venezuela’s Tren de Aragua gang — Campbell
- WIN MP Natasha Singh arrested, questioned over alleged firebombing of GPL substation
- Guyana’s Nitya Narine, Toreka Persaud top Caribbean at CSEC, CAPE
- Single mother, five children left homeless after West Coast Berbice fire
Facts does get selective treatment
Dem Boys Seh…
Kaieteur News- Guyanese love a good story. If you lef we alone, we woulda solve de Bermuda Triangle mystery, find de Loch Ness monster, an’ expose who really shoot JFK—all from de comfort of we gossip corner. Conspiracy theories is we national pastime, and nobody cyah tell we otherwise.
Dem boys seh from de time something happen, people done got deir own version before de news even break. If rain fall too much, somebody controlling de weather. If de sun too hot, is a foreign experiment. If somebody get ketch wid dem hand in de cookie jar, is a set-up. Evidence? Who need evidence when yuh got vibes?
Dem boys seh people don’t wait on facts. Facts does tek too long. Conspiracies does move fast, like a minibus driver trying to beat de traffic light. And even when de facts finally come out, people does pick an’ choose like how dem does buy plantain at de market. Anything that match wha’ dem want to believe, dem grab on to it. Anything that prove dem wrong, dem throw it away like rotten mango.
One man seh he believe de elections was rigged, but when yuh show he de evidence, he seh, “Nah, me nah trust dah source.” Another one seh de police planting evidence, but when de camera footage show de man get ketch red-handed, he seh, “Dah video look edited.”
Dem boys seh de truth does always deh somewhere in de middle, but Guyanese does prefer de sweet lie ova de bitter truth. So next time yuh hear a big conspiracy, just remember: facts does only matter when dem match de story yuh want to tell.
Talk half. Leff half.
(Facts does get selective treatment)
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
