Latest update May 26th, 2026 12:35 AM
Latest News
- Pres. Ali defends foreign firms ‘flipping’ mining claims despite Guyana getting nothing from deals
- ‘Normalise with Israel or deal with Iran dies’ – Trump threatens Arab world
- Family says teen acted in self-defense in Corentyne fatal stabbing
- U.S. military launches new strikes on Iran
- Woman on the run after miner killed at Bamboo Landing
PPP Get A Leader Now?
Dem Boys Seh…
Kaieteur News- Dem boys nearly drop dem cup ah bush tea when dem hear de Vee Pee seh he is the leader of de PPP. Not a leader, not one of de leaders—the leader.
Yesterday’s presser, de man seh, “as the leader of a political party.” It mek dem boys jump.
Now, dem boys know long time dat de PPP always got a General Secretary, not a leader. De party never had no official big boss man. But it look like times change.
Dem boys start to wonder—since when de PPP get a leader? Dem check back de records. Uncle Cheddi was a leader, yes, but he never call heself the leader. When Janet was running things, she was de boss lady, but still, no talk bout the leader. Uncle Donald was General Secretary, and so was Uncle Clement, but dem boys never hear dem claim de big title.
So wha really going on? Dem boys want know how de old guard of de PPP feeling about dis new revelation. Dem still think is a collective leadership, or dem wake up and realize dem get a big boss overnight? Dem boys hear some ah dem old heads still whispering in corners, wondering if dem get de memo.
And wha happen to de Central Committee and dem Executive Committee? Dem boys thought dem was de ones making big decisions. But now it look like dem just part ah de decoration, like de lights pon Main Street at Christmas—nice fuh show, but not really in control ah nothing.
Dem boys seh is either de PPP change dem rules quietly, or de Vee Pee mix up being ‘the leader’ with being ‘a leader’. Next ting yuh hear, he gon declare heself Supreme Leader like dem fellas in North Korea.
But dem boys got one final question—if de PPP got a leader now, is who gon be de next one? Or de leadership done decide dat position is permanent? Dem boys watching!
Talk half. Leff half
(PPP Get A Leader Now? )
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
