Latest update August 25th, 2026 10:20 AM
Latest News
- Govt. still to decide whether to punish gas-to-energy contractor for delays in project
- Fight for unlimited oil spill protection from Exxon heads to CCJ
- Mahipaul demands answers on MV Barima salvage delay
- WCB man killed after struck by lorry
- U.S. strikes alleged drug-smuggling boat in Pacific Ocean, killing 2 people
De Dirty Trick Crew Out in Full Force!
Dem boys seh…
Kaieteur News-Dem boys seh de Pee Pee Pee Cee ain’t change one bit. Same old party, same old tricks. Dem spend five years in de wilderness between 2015 and 2020, and yuh woulda think dem learn lil humility. But no! Dem boys she, dem just get more desperate and more dangerous.
De party done seh straight up: Anybody who jump in de political ring gon get “deal with.” And when dem seh “deal with,” dem don’t mean tea and biscuits and a nice lil handshake. Nah, dem mean full-blown character assassination, smear campaign, and lies upon lies till yuh own shadow start doubt yuh.
Back in de day, dem used to got one or two rogue bloggers who use to do de dirty wuk. Now? Dem boys seh de whole machine up and running. Is a full battalion! Dem got a social media infantry, equipped with money, power, and a whole heap of time pon dem hands. Before yuh even sneeze wrong, dem done got one fake story bout yuh up pon Facebook. By de time yuh wake up next morning, dem done “expose” yuh as a thief, a traitor, or worse—a critic of de government!
Dem boys seh is bare mudslinging. And leh we tell yuh, dem got plenty mud to throw. Dem got access to all de state resources, and dem using it to tek down anybody who even look like dem want challenge de establishment. Yuh ever see a government so sensitive? Is like dem more afraid of a lil political competition than rain pon Election Day.
And hear dis—if yuh think things bad now, just wait till campaign time come! Dem boys seh yuh gon see dirtiness at a next level. Fake social media accounts gon multiply like mosquito in rainy season. Photoshop gon wuk overtime. Fabricated stories gon drop like mango in August. If yuh believe even half of what dem gon put out, yuh might start believing Santa Claus real.
Dem boys seh de Pee Pee Pee Cee still got all dem old habits. Dem never lose dem stripes, dem never change dem spots. Is de same dirty tricks, just with new technology and more money behind it. If yuh tink yuh see it all, fasten yuh seatbelt—dis election season gon be a wild ride. And remember, dem boys only talking wha dem hearing.
Talk half. Leff half.
(De Dirty Trick Crew Out in Full Force!)
Share this:
Discover more from Kaieteur News
Subscribe to get the latest posts sent to your email.
Similar Articles
hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
