Latest update August 21st, 2026 10:20 AM
Latest News
- Govt. will seek expert advice on financing of future Exxon projects
- Canadian firm secures option to acquire 15,000 acres gold property in Reg. 1 from Russian company
- GPL cracks down on illegal power connections in Sophia
- Venezuelans and Cubans among deportees to Liberia under Trump deal, official says
- ‘Change your eating habits’ – Pres. Ali blames citizens lifestyle for rising cost of living
Spread de fun!
Dem boys seh…
Kaieteur News – Dem boys seh G$95 million fuh one playpark is a next level joke! Yuh mean to tell dem lil chirren gettin’ one big fancy playground like if is some kinda Disney World fuh de rich and famous? Dem boys seh if yuh gon’ spend dat kinda money, build plenty small playparks all over de place. De kids dem nah wan’ a castle; dem wan’ somewhere close by fuh run, jump, and swing till de sun set.
Imagine it: one playpark but only a handful ah kids can actually reach it. How dem others gon’ get there? Flyin’ carpet? Nah, dem gon’ be stuck watchin’ pictures ah fancy slides and merry-go-rounds while de ministers clap and cut ribbon like dey doin’ somethin’ great. Meanwhile, most ah dem lil chirren out dey still playin’ cricket in de middle ah de road or makin’ swing from de mango tree.
Dem boys seh instead of one royal playpark, build 20 likkle ones in different parts ah Guyana. Spread de fun, man! Yuh don’t need all kinda fancy tings; yuh just need a simple place fuh de kids to run ‘round, a swing, lil slide, and dey happy like Pappy. Imagine every community wid it own likkle playground, instead ah one big pretty one sittin’ up like it ah museum piece nobody can touch.
Dem kids wan’ a place dey can walk to, swing pon, and play pon. Dem want it near where dem living. So instead ah showin’ off one park , build 20 community parks with basic amenities that can be added onto later. Dem boys seh, dat way, every kid gon’ feel like dey gettin’ a lil slice ah de pie.
Talk half! Leff half!
Share this:
Discover more from Kaieteur News
Subscribe to get the latest posts sent to your email.
Similar Articles
hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
