Latest update June 10th, 2026 12:35 AM
Latest News
Lining Up – A Lost Art in Guyana
Dem Boys Seh…
Kaieteur News – It seems we gat ourselves a national pastime: boring lines and creating chaos. Whether is dem traffic lines on de roads or de line in dem supermarket, Guyanese losing discipline and yuh does always find people trying fuh bore de line.
It mek dem boys want to call for a return of de days of GUYLINES. In dem days yuh just had to see a line and yuh does join it and ask wah it was fuh afterwards. Everything was in short supply. So any line had to be worth joining.
Yuh had to line up fuh cooking oil, line up fuh cooking gas. Line up fuh illegal bread. Yuh does line uo overnight fuh lil gasoline Line up fuh Dunlop yachting shoes. Was a line fuh everything. Yuh even used to have to join line fuh change yuh salary cheque.
Is all dem GUYLINES wah teach Guyanese discipline. In dem days, yuh nah gat nobody boring no line. And yuh nah gat nobody keep space fuh dem friend. To do any of dem two things is to lead to nuff quarreling. And deh does gat some people in dem line wah yuh don’t want quarrel with.
Dem days when we all knew how to keep a straight line, shoulder to shoulder, looking like a well-trained army battalion. But nowadays, yuh does gat people see a line in a supermarket and does just come and juk themselves in. And dem does be barefaced to look you in the eye and if dem nah do nothing wrong.
And when yuh deh driving pun de road, yuh always gat one of two vehicles trying fuh squeeze in. And dat now become de normal thing. So we gat to learn of forming and staying in lines.
Let’s bring back the nostalgia of orderly queues and teach de present generation about de discipline of lining up.
Talk Half! Leff Half!
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
