Latest update September 24th, 2026 10:31 AM
Popo bail growing wings
Dem boys seh…
Kaieteur News – Dem boys hear how de government seh how de justice system gan soon be setting sentencing guidelines so as to ensure more consistency when de magistrates and judges dishing out sentences. But before the government do dat, it should set some bail guidelines fuh de popo.
Soon people might soon gat fuh go to dem pawnbroker with dem transport fuh borrow money fuh pay de station bail fuh dem relatives. Imagine you jaywalking pun de road and yuh feel a tap pun yuh shoulder. Yuh get haul down to de station and when yuh family turn up fuh bail yuh, de bail amount more than de cost of a bicycle. Is better yuh did get charge fuh jayriding. At least de popo could have hold on to yuh bicycle.
De popo turning bail on its head. Is no longer about ensuring you return to the station. It is about sending yuh family to de bank or pawnbroker. Bail now soaring higher than Exxon’s profits.
Soon when yuh family going to bail yuh at de station, dem might have to hire a security firm. De bail money so high dem can’t tek chance fuh walk with dat alone. Dem gat to hire protection. De popo nah know nothing about cheque or electronic payments fuh bail. Yuh gat to pay cash.
It remind dem boys of de man wah get arrested on suspicion of stealing gold jewelry. De popo decide fuh put he on fivc million dollars bail.
De man turn to dem and ask, “Will you accept the bail payment in gold?”
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
