Latest update October 24th, 2026 10:22 AM
Latest News
- Four dead, three critical after car slams into fuel truck on Linden Highway
- Murdered six-year-old laid to rest
- Father charged with murdering six-year-old son, remanded to prison
- U.S. financing for Amaila hydro- project may require updated environmental, feasibility studies- Ambassador
- Iran details plans to hit Gulf undersea cables if war resumes, officials say
Silence now become more precious dan gold
Dem Boys Seh…
Kaieteur News – De Blinking man decide fuh come to Guyana. And why not? De Americans gat to protect dem economic interests in Guyana. But who protecting de interests of Guyana?
De public looking to de man from de North and de man wah decide he going south. But a strange thing happen, since de Blinking man come to Guyana, nothing has been heard from de man from de North. And de man wah gone south nah hold he usual press conference fuh two weeks now.
Is like a hush descend pon Guyana since de Blinking man come and gone… And is like dem leaders do a vanishing act pon de media.
It gat we local journalists befuddled. Dem waiting fuh find out wah de Blinking man tell dem leaders about Exxon. But dem leaders nah mekkin’ themselves available for questions. And when Prezzy hold he press conference, he blank any mention of de Blinking man. He nah call de man name or mention de man in he press conference.
In the meantime, de streets are abuzz with speculation. People want know what de man tell dem. And people want hear it from dem leaders’ mouth. But no press conference, no report as yet.
Dem boys seh Guyana becoming a kingdom of silence where words are as precious as de gold dem foreign companies digging out we interior. But we still want know what de Blinking man tell de man from de North and de man wah gone South and why dem so silent.
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
