Schoolchildren arguing now like lawyer

Nov 18, 2022 Dem Boys Seh, Features / Columnists, News

Dem Boys Seh…

Kaieteur News – When dem boys used to go to school, dem teacher was like God. Dem word was stronger dan a judge. Nobody dare question what a teacher say or decide. And if yuh went home and complain to yuh parents, yuh sure to get a good flogging. So nuff of we used to tek we licks and insults at school and stay quiet when we go home for fear of a second round of licks.

Sometimes dem teachers did gat to protect dem students from dem parents. Dem boys remember de case well of a former judicial official who father went into he school and give he a sound cut tail. De poor child get traumatized. And dem boys always feel dat he haughty and arrogant attitude of de man today is part of de aftershocks of he childhood experience.

But dis time nah lang time. Dem students now standing up fuh dem rights. Dem teachers can’t flog dem students without de permission of de headteacher. Dem teachers’ authority now open to scrutiny, as it should be because lang ago nuff of dem teacher used to use fear to keep yuh in line.

Nowadays is a different ballgame. Dem students does argue dem case like if dem deh in a courtroom. And dem know dem rights. Dem boys nah gat de facts about de matter at QC. So dem boys nah gan comment on it. But dem boys feel day any student wah get assault gat a right to defend himself or herself. And if dem boys child get treat wrongly in school, yuh can bet dat dem boys can go and demand justice.

Talk half. Leff half!

Discover more from Kaieteur News

Subscribe to get the latest posts sent to your email.

Latest News