Latest update November 17th, 2026 10:25 AM
Jun 19, 2022 Dem Boys Seh, Features / Columnists
Dem Boys Seh…
Kaieteur News – De Opposition bin fighting fuh get de court fuh hear dem election petition. Quite mysteriously, dem didn’t get fuh serve de papers praperly pon Soulja Boy and suh dem petition did get reject. Dem bin quarreling all de time fuh get a hearing.
Dem claim how de petition gan expose de irregularities in de elections. Dem boys agree it gan expose all de irregularities concerning de invalidating of more dan 100,000 votes and de use of spreadsheet, bed sheet, score sheet, and flysheet.
But now de Opposition get dem chance fuh prove dem case about de jumbies and de migrants wah dem bin seh vote right under de nose of dem polling agents. Dem gan get to prove dem case.
Prezzie decide fuh hold a International Commission of Inquiry into de elections. So now de Opposition gan get it chance fuh prove massive fraud tek place in de elections and de fraud was on de scale fuh overturn de result of de elections.
Dem gan also get a chance fuh show how dem statements of polls agree with dat of de Bingo man. Dem gan get a chance fuh bring out de statements of polls. And dem boys gan also get a chance fuh see wah statements of polls de CEO had in he possession.
De Opposition should be jumping fuh joy. Dem finally get a chance fuh prove dem case. De COI is about facts. Dem nah gat to bother about law. Dem just gat to bring de facts and lay it pon de table.
Talk half. Leff half.
Subscribe to get the latest posts sent to your email.
Nov 17, 2026
…Guyana humble Puerto Rico 4 – 2 to return to League A By Rawle Toney (Kaieteur News) – The Golden Jaguars produced a memorable second-half comeback to defeat Puerto Rico 4-2 at the National...Nov 17, 2026
(Kaieteur News) – There are many things that make Guyana unique. We have the world’s largest single-drop waterfall, one of the most magnificent rainforests on the planet, an oil industry that promises to make us all prosperous, and, apparently, a public service in which employees have come...Nov 01, 2026
By Sir Ronald Sanders (Kaieteur News) – When Commonwealth leaders gather in Antigua and Barbuda from 1st to 4th November, they should address a question that reaches beyond their association: how can countries of different size, wealth and outlook sustain cooperation in a world increasingly...Nov 17, 2026
(Kaieteur News) – It’s one of the mysteries of Guyana that I labor to appreciate, to unravel. The Office of the Director of Public Prosecutions (DPP Office). It’s a miracle by itself when the DPP Office commands muscle and mind to combine to set matters straight. It could also be the...Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: glennlall2000@gmail.com / kaieteurnews@yahoo.com