Latest update July 24th, 2026 12:30 AM
Latest News
- MV Barima Disaster… 72 confirmed dead
- Parliament must determine COI’s composition for MV Barima probe – Dr. Campbell
- Nine victims of MV Barima tragedy laid to rest
- Transparency Int’l Guyana demands IMO probe of MV Barima tragedy
- Police detain, then apologise to, peaceful protesters at national vigil for MV Barima victims
De popularity contest in full swing
Dem Boys Seh…
Kaieteur News – Deh gat a popularity contest going on. And instead of people paying fuh attend de event, dem getting pay fuh attend.
Dat is how de popularity contest tekkin’ place. Money sharing out. Instead of wan admission fee, dem gat wan attendance reward.
De payment even gat a name. Dem calling it cash grant. De more cash grant share out, de more de popularity contest getting warm.
It mek dem boys remember de story of de man wah was walking through de desert. At one point, he walked off alone and de foot hit wan old lamp. He pick up de lamp and to his utter surprise a baccoo jump out.
De baccoo tell de man dat he will grant he one wish but dat he gat to pick one of three choices. De man get excited. De baccoo tell he how he can either be de richest man in de world, de most popular man in the world, or de wisest man in de world.
De man tell de baccoo, “We all know dat money nah bring happiness, and that popularity just mek yuh a slave to de whims of others, but wisdom is everlasting. Ah want to be de wisest man in de world.”
De baccoo goes “poof” and suddenly de man’s face assume a pensive expression. He sit down rubbing he chin, deep in thought. Den he look towards de baccoo and say, “Ah should have tek de money”.
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
