De guvament bicycle nah gat brakes

Apr 17, 2022 Dem Boys Seh, Features / Columnists

Dem Boys Seh…

Kaieteur News – De guvament deh pun a spending spree. Dem announce all kind of projects but up to now dem nah talk whether dem conduct feasibility studies specific to dem projects.
Like de gas-to-shore project. Dem going ahead with um despite people telling dem dat dem should do a feasibility study to see whether dem gat cheaper alternatives. But read through de lines and ask yuhself why dem suh keen to move ahead.
Dem about to dredge de Pomeroon River to de tune of half a billion dollars. But ask if dem do any studies to find out if dis is de solution to flooding in de Pomeroon.
Dem planning fuh build four-lane highways in Region 2, 3 and 6. But dem nah see how dis is not de solution to de traffic problem. And dem four-lane road does become death trap.
Dem building stadium in Berbice and nuff ah dem ground nah even in good condition. Dem planning fuh extend and upgrade de airstrip in Canje. But cow grazing pun Skeldon airstrip.
Now dem looking fuh lease some more heavy oil electricity generating sets. But dem yet to explain to de Guyanese people about de false alarm wah happen recently when de generating sets at de Eden Gardens did have to shut down because dem claim dem had a problem. De engineers nah tell we yet wat was de problem, but suddenly we learning dat deh gat plans fuh lease generating sets wah does use fossil fuels.
Talk half and watch dis guvament with eagle eyes!

Discover more from Kaieteur News

Subscribe to get the latest posts sent to your email.

Latest News