Latest update September 26th, 2026 10:20 AM
Latest News
- ‘No more plundering, no more exploitation’ – UN Chief says resource wealth must benefit producing countries
- Lindsayca bids US$493M for NGL facility as Chinese firm offers US$28M
- Allies unite behind Saudi Arabia as more Iranian flights restricted
- Pres. Ali defends MV Barima salvage process, says bids being re-evaluated
- Finance Minister warns contractors of liquidated damages over project delays
Jumping ahead
Dem Boys Seh…
Kaieteur News – Lang ago, when yuh wuk in a place long, yuh does eventually get promote. And when yuh wuk long enough yuh could eventually reach de top, no matter if yuh bin start at de bottom.
But these days, yuh could start at de bottom, at de middle and even lil below de top, yuh nah gat no guarantee dat yuh get to de top. Dem politician does gat plenty friends wah does always deh pestering dem about appointing dem to some wuk. And dem does oblige and be unfair to dem odder worker.
Is look like dah wah happen to wan gal at de N- SEE- NOTHING. De gal bin acting as de top person and den suddenly dem bring somebody lower fuh tek de top wuk. Dat can’t be fair.
Lang ago, everybody used to wait fuh New Year’s Day fuh see who gan get promote in de civil service. Nowadays if yuh start at de bottom, yuh might end up retiring at de bottom. Is sheer outsider coming and jumping yuh. Promotion scarcer than hen teeth.
It remind dem boys about dem friend wah used to wuk in a supermarket and get promote. He go home and bin boasting all weekend to he wife about de promotion.
She get so tired of hearing him dat she tell he, “Dah promotion nah mean nothing, dem even gat a supervisor fuh peas.”
De man decide fuh check and he call de peas section and ask if he can speak to de supervisor of peas.
De person on de odder end ask, “Canned or frozen?”
Talk half and ask dem wah get big wuk about dem age.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
