Latest update October 6th, 2026 10:30 AM
Latest News
Dem boys seh …Guyana got nuff blind man
Old people always remind anybody who would listen that when blind man seh he gun pelt you he already got brick in he hand. But some people don’t listen. One Ally hear Jagdeo talk bout no confidence vote.
De Ally woman didn’t know that Jagdeo done had de majority just like de blind man wid de brick. Is when de brick land that all de confusion start. People start to run to places dem never visit since de last elections. Some of dem mek promise and even do things dem didn’t even plan to do.
Of course, Jagdeo tun de president again. He tell public servants not to obey de government because he gun charge some of dem. Fuh de first time, people go to work hearing that dem mustn’t obey dem employers till after de elections.
Dem boys want to know wha gun happen if de same government go back in power. Wha gun happen to dem workers who refuse?
De same thing happen wid SOCU and SARA. Dem two organizations was threatening to charge nuff people fuh all kind of thing. But dem tek long. Dem boys seh SOCU and SARA tek suh long that all who get threaten get comfortable.
Jagdeo even tease SOCU and SARA, threatening to lock up some of dem. Now dem boys hear Jagdeo and all of dem who own property at Pradoville now getting charge. Since de charge announce de place get quiet. People who was cussing SOCU and SARA suddenly get dumb.
After a time comes anodda time.
Talk half and wait to see who gun get pelt.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
