Only a cut can keep Jagdeo silent

Dec 08, 2018 Dem Boys Seh, Features / Columnists, News

De nicest thing about de future is that it always starts tomorrow. Ask de politicians, especially Jagdeo.
Everything dem do today is to benefit dem tomorrow. Check Jagdeo and most of dem in de party and see de wealth dem accumulate. Check dem salary and you realise that dem didn’t wait till tomorrow.
Some of dem in de coalition, both de PNC and de KFC, not waiting fuh tomorrow. Dem already helping demself today.
De Waterfalls paper expose de lopsided oil contract day after day and month after month. None of de politicians open dem mouth to say anything.
De govt seh dem believe Exxon give dem a good deal and dem boys believe dem—that de deal was fuh dem and not fuh Guyana.
Dem boys also believe Jagdeo get he share, too, and that is why he never seh nutten. Dem boys hear things share out again de odda day. Jagdeo ain’t get suh he now criticizing de deal.
He seh de oil contract wha Soulja Bai sign damage Guyana international reputation.
When he criticize de deal in parliament yesterday, everybody ask if he was watching Discovery Channel pun cable.
Dem boys been round by he house and dem see de E-Networks sign pun ee gate.
Is nearly three years de contract sign and de Waterfalls paper been talking all de time and Jagdeo never support. All of a sudden ee talking bad bout de contract.
Dem boys don’t know how lang he gun talk but when you hear he stop talking bout Exxon you must know money pass.
But karma is a bitch and he know dem two words good. When he was in Govt he get he PPP people to walk out. Now karma come round. People walking out on him.
He end up talking to heself fuh two hours while he colleagues reading de Waterfalls paper and playing computer games.
Talk half and shame on all of dem in Parliament.

Discover more from Kaieteur News

Subscribe to get the latest posts sent to your email.

Latest News