A reporter seh who don’t go away got AIDS

Jul 21, 2018 Dem Boys Seh, Features / Columnists, News

When nuff people read bout a country dem always feel that de country dem read about is better than dem own. De description of de odda country is always good and that is how people believe that America is de greatest country in de world.
And wha mek matters worse is when Guyanese go to America. Dem walk in Brooklyn, see lights in de night, see people walking whole night and dem can go in any fast food store at any hour. That nice suh America great.
De odda day one American come. Exxon pay him to come and write nice things bout de oil company. De oil company also tell him to write a story suh people gun believe that Guyana gun be happy wid any money it get. De article is that Guyana like a li’l child who would tek de shine money and give away de dollar bill.
This man write how GT got some shacks; de whole of Guyana only got three paved highways; how University graduates does go away and all who stay got AIDS. When dem boys read dem things dem get vex. Dem want to know who in dem right senses gun invite a man like that to de country.
This man talk how Guyana gun get money and because it so poor Exxon should cut back pun de money it giving de country. In short, Guyanese is fools and dem don’t know to spend money. If dem road boys did hold he throat and sink in he pocket he woulda know if Guyanese know bout money.
To read this article is to get high blood pressure. This man write how Guyana got nuff Hindu temple and all of dem temple towering over rice field. Dem got one Hindu statue pun de West Coast that deh near a rice field. But fuh mek people believe that Hindu people does worship in rice field.
But is de stupidness that Exxon dealing wid stupid people who don’t know money. Dem boys waiting fuh him to come back.
Talk half and watch who talking yuh name and why.

Discover more from Kaieteur News

Subscribe to get the latest posts sent to your email.

Latest News