Latest update September 2nd, 2026 10:50 AM
Latest News
- Commission wraps up site visit, prepares Arthur Chung Conference Centre, Liliendaal for M/V Barima public inquiry
- Opposition leader demands ring-fencing of future Stabroek Block projects
- GGMC to crack down on unauthorised sale and transfer of mining lands
- Govt. denies negligence in Mahdia dorm fire
- Cuban construction worker electrocuted; two others critical after scaffold hits live wire
Dem boys seh …Some people really like trouble
When Ram Jattan and de people in de courts meet fuh examine de situation in de jail de whole country feel that it was a good thing, because de jail was overcrowded. And when de jail overcrowded it mean that de place gun always have nuff trouble.
Dem boys remember de time when dem had a fire in de prison and nuff prisoners dead. When dem conduct de investigation dem find out that because de prison was overcrowded, prisoners nerve been pun edge and dem crank up.
Old people always seh don’t see something by day then tek fire stick to look fuh it in de night. De authorities lef de prison still overcrowded and de next thing dem boys know is that de whole prison go up in flames.
That is when dem mek a serious effort fuh reduce de overcrowding. But dem boys seh as soon as dem reduce it, dem magistrates and judges fulling it up. But it look like people love de jail. Once de jail population reduce is then people does do nuff stupidness fuh go to jail. Who can explain de numbers of dem big man who troubling dem li’l gyal.
Rape is always a sickening thing and nuff woman use to get rape and shut dem mouth because dem shame. Now dem big man going after li’l gyal. As fast as one get jail another one going and trouble dem li’l children.
Last week one man get life sentence fuh troubling a child. De judge ink ain’t dry and another big man go and do de same thing. He get two life sentence. And dem got some more who gun follow in he footstep.
De police getting a signal to ease up pun de ganja but people can’t wait fuh de law change. Imagine dem boys seeing some man smoking dem weed and actually want blow smoke in de police face. And all because Soulja Bai seh he gun look at de law. De thing ain’t law as yet.
People walking wid gun like if dey deh in a Western. Dem is things that does mek bad fuh others. No wonder de jail always full.
Talk half and pray that some people get sense.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
