He own people plucking Granger tail feather

Jul 18, 2018 Dem Boys Seh, Features / Columnists, News

Drugs is always big business. Cocaine is de biggest. Then dem got ganja second. Pharmaceuticals third. Jagdeo had Babbie Ramroop and he is a doctor. Dem do de gods wid drugs. Dem bring in and fix dem own price. Dem boys remember three weeks before elections, Jagdeo give Babbie US$12 million drug contract. De money land in he lap.
Things change; David come on board. He seh he gon change things around in Guyana. De man stick to he word. He change Dr Ramroop to tek in Dr Hardat. Dem boys ain’t certain he know dat while one is a genuine doctor, de odda one is a quack doctor. He go to medical school in India to study and he never finish.
David did swing things so Dacta Hardat getting all de drug contracts. Only last year, he sell de GPHC couple Panadol and three dozen Whizz. Dat is one of de things dat mek him qualify to get de $366 million contract.
Dis same quack dacta Hardat give David a $3 million play park in Victory Valley, Linden, last year. Dem boys believe dis play a big role in dat drug contract. Dem boys seh if $3 million play park can land you a $300 million contract, dem boys got a lot of $3 million park to give David.
Dem boys also want to know wha happen to de investigation wid Simona. De Crime Chief promise a speedy investigation and de whole country waiting. Murder charge does solve more quick dat dis. A family kill anodda one day before yesterday and all of dem pass through court yesterday. Twenty-four hours didn’t pass.
Simona is a case of threatening AND bareface liadness. De police even got surveillance camera to see wha happen. Yet two week now de police can’t come up wid anything. Dem boys seh everybody waiting to see wha gon come out of dis thing.
Granger getting pluck. He own people pulling out all he tail feathers.
Talk half and remind David is he bare tail gon lef expose.

Discover more from Kaieteur News

Subscribe to get the latest posts sent to your email.

Latest News