Jagdeo share concessions like sweetie

Jun 19, 2018 Dem Boys Seh, News

Everybody believe that Guyanese stupid. Dem does plan wha dem want to do before dem come. Then dem does meet wid de people who controlling de concessions and mek promise.
Dem boys watch how dem plan to con de government. Dem does walk wid two foreigners who gun talk bout dem investment. All de foreigners believe that Guyanese like hear bout money and is Jagdeo give dem that impression.
When people come wid money and dem tell him how dem got he share separately, Jagdeo does do wha dem bad woman does do—throw back and open up. Then he does give away almost everything almost -because he got to keep some things fuh he friend and family.
That is how he sign dem concessions that got Roy Beepat seeing red. He get ee people to give so much concession that if de government didn’t change, all dem concession wha he agree to would see nuff new company. Then he woulda boast about de foreign investment.
De people who know, ask him to show how much money dem investments bring in. He point to de buildings. Jordan and Statia do de examination and find that Guyana pay dem investors to come.
One of dem enjoy de sweet till de government change. When dem boy pull up de files dem see concessions, but dem didn’t see returns. Is when de Giftland man talk that people outside de circle see how Jagdeo give away de country.
And he does always use he power to spite people. He get vex wid de Giftland man and he sell a piece of land in de area to MovieTowne. He know that MovieTowne could set up a powerful competition fuh Giftland.
Is a good thing that Statia hold up certain things and demand that Mitta Chin do wha he promise to do that things start to slow down. Chin now promising to put up de solar plant wha he was to do from de start, but woulda run away and lef if dem did get chance.
Talk half and watch dem concessions.

Discover more from Kaieteur News

Subscribe to get the latest posts sent to your email.

Latest News