De clamp come down pun cigarette

Jul 28, 2017 Dem Boys Seh, Features / Columnists, News

De government decide to clamp down on smoking and people vex. De new law stiff. Dem boys know that some young gyal use to complain how dem go in some place and when dem come out dem smell like smoke.
De government intend to put a stop to that. De new law is to stop all smoking in dem night club. In fact, de night club can’t even sell cigarettes because that will encourage smoking. All de people who quarrelling know that de whole world was clamping down on smoking.
Long time people use to smoke pun de plane. All who use to smoke had to sit at de back of de plane. Some air hostess get serious health problems and suddenly smoking ban. Don’t care if de flight is fifteen hours, no smoking. And people still travelling.
People had black teeth. When dem smile you want to know wha happen to dem, mouth. And dem breath always bad. That might end now.
All who go to de States suddenly find out that dem can’t smoke in night club and get ketch. Dem can’t smoke in no public place. Dem boys does see people leffing dem office to go pun de road to smoke. In de winter it really bad. De place freezing and people should stay inside but if you see dem in dem coat out in de cold—smoking.
De government also clamping down pun de sale of cigarettes. Is a long time nobody could advertise cigarettes. When dem boys was young dem use to read and hear dem cigarette advertisement. That done. Dem boys want to ask people when last dem see any cigarette advertise.
All this stupidness of people sending li’l children to de store to buy one and two cigarette done. To begin wid, de law now seh any selling must be done in a sealed pack. Rohee use de same argument he use fuh de used tyres—people can’t afford. Dem boys seh if you can’t afford to buy cigarettes you can’t afford to smoke.
Of course, some people happy. Was a fight to get people to stop smoking in a minibus. Now that is normal—no smoking.
Dem boys seh is de same way people gun adjust. It gun save some people in prison because some of dem do bad things, like lying face down fuh a cigarette.
Talk half and start wishing goodbye to cigarettes.

Discover more from Kaieteur News

Subscribe to get the latest posts sent to your email.

Latest News