Latest update October 30th, 2026 5:46 AM
Soulja Bai stubborn like a mule
Poor Soulja Bai. Every time he open he mouth some group always ready to jump in. Last week de man seh that he gun stick by de constitution when it come to appointing a chairman fuh GECOM.
De Chief Justice tell him that he got to explain why he rejecting Jagdeo list. She also seh that he can’t decide on he own who is fit and proper. Soulja Bai seh that de person must have qualities like a judge. Well dem boys want him to know that dem got some judges who some people seh ain’t fit and proper because dem does tek sides when it come to certain cases.
That is why de Chief Justice did seh Soulja Bai alone can’t determine who is fit and proper. Anyhow, that ruling put Soulja Bai in pickle because de Bar Association that learn to talk de other day seh whatever de Chief Justice seh Soulja Bai got to accept. Is one big story that gun start up because few know Soulja Bai but dem who know him know that he more stubborn than a mule and when he get vex he like a brick wall.
Roopnaraine think he was a big man. Dem boys seh that because he older than Soulja Bai he think he can do as he please. He call de press and tell dem how he resign. Dem boys hear when Soulja Bai send to call him.
De next thing dem know Roopnaraine come out State House wid he hair all over de place. Some people feel Soulja Bai clap two box pun him. What everybody know fuh sure is that Roopnaraine ain’t resign. He also learn that he can only resign when Soulja Bai tell him to.
Talk half and don’t tek Soulja Bai fuh granted.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
