Corruption stain Guyana

Jul 22, 2017 Dem Boys Seh, Features / Columnists, News

When anybody talk to Soulja Bai about corruption he does remind dem that he got zero tolerance fuh anything that got to do wid corruption. He does tell people that when he do anything he does do it wid all he heart. He don’t do nutten halfway.
He tell dem boys that when he tun president he didn’t look to see who was Pee Pee Pee or who was opposition, he treat everybody de same way, because de country don’t have enough people fuh afford employing people from only one political party. That is why to this day some old party people still wukking in key positions, Soulja Bai tell dem all he want dem do is to wuk honestly.
Dem boys decide to compare him wid Jagdeo and dem barely look at two thing before dem stop. Soulja Bai still married; he does go to church and pray (dem boys seh de Man above answer he prayer and remove Jagdeo from de presidency); and he does jail people who he ketch doing wrong things. Or at least he does try to get dem before de courts.
Li’l Joe tell dem boys de other day that Soulja Bai decide to invite de IMF to see if Guyana still corrupt. What de people tell him mek water come to ee eye. De people tell him that if you got a thief man in a house wid innocent li’l children, some of dem children gun learn to thief.
De thing sound like a parable, until dem boys realize who is de thief and who is de children. Police who suppose to be protecting de nation now going on robbery spree and when dem get ketch dem saying that people in de government does do it. One man point to de drug contract that causing all kind of trouble.
But even before that, people was thiefing everything that move, and what didn’t move dem tek. That is why de people who measuring corruption saying that while Soulja Bai trying, dem have thief man in de house and corruption still taking place.
Talk half and know that Guyana still corrupt

Discover more from Kaieteur News

Subscribe to get the latest posts sent to your email.

Latest News